Croeso'r Pennaeth

Ar ran disgyblion, staff a rhieni Ysgol Syr Hugh Owen hoffwn estyn croeso cynnes i’n gwefan.

Mae Ysgol Syr Hugh Owen yn ysgol ddwyieithog gyda phoblogaeth o 875 o ddisgyblion, 51 aelod o staff dysgu a 34 o staff cefnogol.

Rydym yn gwasanaethu ein cymuned leol sy'n cynnwys tref Caernarfon a’r ardaloedd gwledig sydd o’i chwmpas.

Mae Ysgol Syr Hugh Owen wedi ymwrymo i ddarparu addysg ragorol ble mae disgyblion yn cael eu cymell i ymdrechu hyd eithaf eu gallu i lwyddo.

Ein nod yw cefnogi disgyblion i gyrraedd eu potensial ar draws ystod o bynciau academaidd a galwedigaethol, gan ganolbwyntio ar ddatblygu eu sgiliau llythrennedd, rhifedd a thechnoleg gwybodaeth. Rydym am i’n disgyblion adael yr ysgol gyda’r gallu i gystadlu yn y byd gwaith, mewn addysg bellach neu addysg uwch

Mae’r ysgol yn un hapus ac rydym yn ymfalchïo yn y gofal a’r gynhaliaeth fugeiliol a roddir i’n disgyblion.

Mae cynhwysiant, Cymreictod, amrywiaeth, cydraddoldeb, parch ac empathi yn werthoedd yr ydym yn eu harddel.

Mr Clive Thomas
Pennaeth